"""""'''''''''""""""
اعدل بيك گلي شوكت تتعدل
ودليك اعله دربك وأنت ماتندل
اگله السبع هذا أيگول جدمه اهنا
وابين امعثراتك وانته ماتخجل
هنه البيك بيك امن الزغر للشيب
ومن گد ما اركز بيك صرت احول
ولك عمري ايتكسر چن كسر طابوگ
وجاي ادگ عليه ابفاس وبمعول
افهم بيك وقرالك ولك چندوب
وأنت اترد گري چنك بصف اول
نشف ماعون صبري وگاعي صارت بور
وغيمك صيف بارح لامطر لاحل
كلهن سولفتهن نصح مابگيت
مثل بول البعير اردود تتحول
ومن عندك شفت شوغات اخت الموت
وهوه المات منك هم تظن يعدل
كل هذا وبعد طبعك مثل ماجان
تسوي السالفه وتلفيني تتمندل
عله غيك شو مصر فهمني تالي اوياك
لوله ألسان چا صاح وحچه الچندل
،،،،،،،،،،،،،،،،،
سلام المرياني
