(((رغم النهار)))
من فوق رصيف
لإنتظار
واقف ومستني
النهار
والقلب عاود
لإرتعاش
بالحزن جايز
بالفرح ممكن
بالمناغشه
والهزار
بالكلام في الحب
بشموس النهار
بالإنبهار
****
وياخدني بحر الإحتمال
ويا الفروض
وتاخدني أحلامي
بوعود
بالرغم منها
برجع وأعود
محتار
بركان مشاعر
وإنتظار
تاهت
ومن وسط الطريق
رغم الحقايق
والوضوح
رغم النهار
أنا بإختصار
معرفش منها
قسمتي
إللي إنقسم
ولا أترسم
دالإنكسار
جواه فظيع
نبعد نضيع
براه مرار
والإنشطار
يبدر بذور الضعف
في القلب الخضار
غاب النهار
عن كل دار
قلبي البرئ
إندار
شاف الأمل
صبار
وبإختصار
إللي باقي مش كتير
والهم خلي الفرح طار
والقلب عايش
في إحتضار
وأنا لسه قاعد
وأنا لسه قاعد
في إنتظار
*****
الشاعر محمد علي فرغلي أحمد
نزلة باقور مركز أبوتيج محافظة أسيوط جمهورية مصر العربية
