كنت عايش ف حالي
وحداني لا حد ينكد عليه
ولا حد يقولي كلام
م الصبح اصحى نشيط سعيد
مع كل يوم جديد
رايق مافيش حاجه شغلاني
اغسل وشي وامارس هوايتي
والاقي حبيبتي محضرالي فطاري
آكل لقمتي والبس هدمتي
وعلى شغلي أبدأ يومي ورحلتي
بقدم خدماتي مرتاح البال
لا عمره في يوم مسئول بكاني
ولا سألني في يوم أي سؤال
وارجع لبيتي مشتاق لمكاني
افتح بابي والقي السلام
لا حد يسألني كنت فين
ولا يقولي جاي منين
وسايبني وحداني
آكل لقمتي واقابل صحابي
نخرج نتفسح نضحك نتسلى
وكوب شاي أو فنجان قهوه
وسهره حلوه في جنينه
والزهور من حوالينا
بتغني احلى كلام
من غير عتاب ولا ملام
ولا جبت ايه ولا معاك كام
ولا كلام عن الحب اللي كان
ورايح على فين يافلان
دا قالو زمان
الجواز رباط وحصن أمان
بس إحسن الاختيار
وبالحب القلب يكون عمران
وراعي وابعد عن الكسل والحرمان
وخلي البسمه تزيد جمالك
والسماحه من سماتك
والشياكه عنوانك
في هندامك وترتيب مكانك
وعيونك تقول احلى كلام
غيش حياتك واتمتع بيها
واكتب للسعاده عنوان
ابراهيم محمد آدم
