""""""""""""""""""
سنة رايحة بالسلامة
وسنة جايه بابتسامة
بكره جاى ومعاه أمل
لشعب عايش بالكرامة
والأمل فى ربى خير
يبقى عطا ربى وفير
بس يبقى فيه محبة
ود بين غنى أو فقير
والسنة دى الخير وجب
عام جديد ومعاه رجب
أسأل الرحمن بستره
اللى ياما كتير وهب
سنة رايحة وتانية جايه
كل يوم بنشوفها ايه
ربنا يكرم ويعطى
كل قلب وعنده غايه
وبكره جاى عام جديد
ادعى ربى يكون سعيد
على بلدى الغالية مصر
خلى فيها الخير يزيد
السنين بتجرى بينا
واحنا ليه بنقول ماضينا
ابنى عمر خيرنا يكتر
تحلى دنيتنا فى عنينا
وسنة رايحة بالسلامة
وسنة جايه بابتسامة
واللى قاسى فى اللى فات
بكره احلى وله علامة
وسنة رايحة وتانية جايه
وقدوم رجب راح يبقى ايه
"""""""""""""""""
جمال على الشرقاوى
شاعر العامية
مليج منوفية
