◇□◇□◇□◇□◇□◇□◇
الدنيا حالها ...... عجب
ومعانا ... عكس عكاس
تقلب .. ومن غير سبب
بلا رحمة .. أو إحساس
سيقانا ........ بالكرباج
وهمومنا ..... ليها مزاج
تحاويطنا فيه ،،، بسياج
وتسكه ........ بالترباس
الدنيا ...... حالها غريب
ماريحتشي ......... حد
واللي تقول ،،، دا حبيب
تلقاه عدو .......... بجد
وتجيله ....... ولا تروح
وتقول .... شقيق الروح
وتبني له ..... ف صروح
وهو ليك ........ ب يهد
الدنيا .... سايبانا ..؟؟؟
ولا إحنا . سايبينها ..؟؟
ماكنتش ........ عجبانا
ولا كنا .. عاجبينها ..!!!
الجنة شبه ......... النار
الهم ...... خدنا احتكار
والعيشة فيها ..... مرار
ب كاساته ..... سقيانا
يادنيا ........ ما كفاية
وخفي ......... اساليبك
دي كل ... الحكاية ..!!!
يومين ... وراح أسيبك
فا متسوقيش ... عِندك
دانا ضيف خفيف عندك
ليه تعاندي أو أعاندك .؟؟
وانا ضمن ... محاسيبك
ما تيجي ...... نتصالح
نمضي سوا ... معاهدة
تسامحي ... وهاأسامح
ونفُضها ........ مناهدة
واحلف ..... لكل الناس
اني سامحت .. خلاص
والود يبقى .... أساس
وقلوبنا ...... متواعدة
انا خدت ... عهد أمان
تبقي لي ... وابقى لك
واللي ..... لعهده خان
دا أكيد .. يكون هالك
واللي كسب ... دنيته
يبدر زهور ..... سكته
ويكون ضمن . أخرته
فيها القصور ... مالك
فيها القصور ... مالك
___________________
بقلم الشاعرة / زينب سليم أحمد
