عشنا وشفنا وسمعنا العجب
شئ مالوش مقاومة غير بالادب
التفاهه عنوان عريض مدعم
إفساد الذوق العام وكأنه منهج
أيادي كتير خفية بتمكر وتلعب
موازنات مفتوحة للي يخرب
قاصدين ولادنا قاصدين شبابنا
أولاد بنات عقولهم تنهار وتخرب
عشنا وشفنا وسمعنا العجب
شيء مالوش مقاومة غير بالادب
أغاني سريعه هابطه
كلمات فظيعة ساقطة
دعاوي انحلال وزايطه
وكله على رتم واحد يقول
أصله فن شعبي والشعبي لقطه
ولما تركز فيه كويس تلاقيه
شغل مجانين رتم مهرجين اونطه
عشنا وشفنا وسمعنا العجب
شيء مالوش مقاومة غير بالادب
سموم وسارحه يمين شمال
موضه وداعمينها شويه عيال
ولما تيجي تنتقد ولا تتكلم
يقلك لا بس هو شغل عال
طبعاً امال إيه يا عم الحاج
مش بيرقصهم ويدوخهم العيال
وكمان بيغيب عقولهم في الحال
تفاهه سارحه وعربده وانحلال
لا كلمه حلوه ولا نغمه حلوه
ولا فكره راقيه منسوجه بخيال
خبط ورزع دوشه ومجون وظار
عشنا وشفنا وسمعنا العجب
شيء مالوش مقاومة غير بالادب
شبابنا انتبه وشوف معني الكلام
وايه بيقولو في هبدهم أولاد اللءام
سيبك منهم وامضي قدما للامام
صفي ذهنك علي فكرك حكم عقلك
وبرضه قلبك ينجيك يا إبن الحلال
عشنا وشفنا وسمعنا العجب
شيء مالوش مقاومة غير بالادب
تاريخنا إبداع مجهود سنين
كتاب وشعراء أدباء محنكين
ملحنين ومطربين موهوبين
كلمات جميلة وألحان معلمين
ركز ياابني وخليه تحدي هما مين
انت عندك واللي اتربيت عليه
قيم ومعاني أخلاق وكلام متين
يروحو فين جنب اعلامنا المعلمين
أم كلثوم وفريد وعبد الوهاب وفوزي
بليغ والموجي والسنباطي والطويل
وكمان طلب ورشدي وعبد الحليم
وكتير من بعدهم متاصلين متصلطنين
بيحاولو إنهم في الزحمه ميتوهوش
ما يغرقوش وسط الوان باهته
من غير احساس من غير وشوش
مجموعه ظلال خداعة وشويه رتوش
ودا على فكره في الرأي مش تهور
ولا هو رجعية أو مقاومة للتطور
دا بس إنصاف للحسن من الرديء
والنافع الراقي من الضار القميء
شمعه بنورها يمكن نشوف طريقنا
مين عارف يمكن يوم تنور
مشينا وشفنا وسمعنا العجب
شئ مالوش مقاومة غير بالادب
صرخه قلم قبل الفوات والندم
الكلمه ايه معناها عند كل الأمم
ميزان حساس يتوزن بالقلم
ابن كلثوم وعنتره والخنساء
ابن ثابت والفرصدق والمتنبي
حافظ وشوقي وغيرهم أمم أمم
ابجديات بحور وسلالم للنغم
يبان فيها النشاز من حلو الطرب
أجيال اصيله اتربت على الغالي
إحساسهم عالي يتوزن بالدهب
لو كانو يعرفو مين اللي جاي بعديهم
حصل خير ما هي دنيا وليها العجب
عشنا وشفنا
* انتهت من فضل الله تعالى قصيدتي النثريه ( عشنا وشفنا ) ونؤكد على أن جميع حقوقنا محفوظه وفقا للقانون مع أطيب تحياتي الأديب الدكتور محمد يوسف
