( المصايب )
ياهو مثلي بوكته حاير
من زغر شابع مصايب
ورد غض بمزهريته
ذوبليت وصرت شايب
روحي ملت والله تعبت
ياخلگ چندوب اعاتب
واياي ماوافه الصديج
ولا شفت نفع الگرايب
عمري خلص شوغه شوغه
ماشفت راحة محارب
كافي موسباح گلبي
لتف علي مثل الگصايب
وگمت افز فزت امسودن
وحتى من احلم طلايب
جرحي مثل النهر يجري
وانه اگولن جرحي طايب
وشلت الهموم بضحكتي
والضلع مكسور عايب
والصديج الامنيته
صگر ويذب بالمصايب
وحمليت اهمومي كلها
وادري اتركس المراچب
ياگلب بس جوز منهم
الوي اذنه وصاح تايب
وهذا طبعه عنودي دومه
يگول اتوب وماهو تايب
،،،،،،،،،،،،،،،،،،،،،،،،،،،،،،
سلام المرياني
