( وزن التجليبه )
اجلبنك يليلي والوكت غدار
لو تدري يصاحب صار بيه الصار
چان النخل برحي ونگلب گنطار
والخرنوب صاير منتچي وهيبه
اجلبنك يليلي اثنعش تجليبه
،،،،،،،،،،،،
اجلبنك يليلي عالمشه والشال
اون الليل كله حميد وموال
ترظاهه اظل اليا وكت هل حال
وانته اعلم بحالي شلون يالهيبه
اجلبنك يليلي اثنعش تجليبه
،،،،،،،،،،،،،،،،
اجلبنك يليلي والدموع ادموع
على الكاصر دليلي وكسر بيه اظلوع
اون ابليل بارح واليون مسموع
على ولفي الزعل اترجه اليجيبه
اجلبنك يليلي اثنعش تجليبه
،،،،،،،،،،،،
اجلبنك يليلي والنعدله اهموم
يجي ويشوف لجله حاربينه النوم
نايم بالغرب ياولفي المحروم
من شم العذيبي شلون يل هيبه
اجلبنك يليلي اثنعش تجليبه
،،،،،،،،،،،،،،
اجلبنك يليلي اوغنه بيك الياس
حمد صارت اغنيتك للخلگ مقياس
وضلت تنذكر بحلوگ كل الناس
وريلك چان يطرب كل وكت طيبه
اجلبنك يليلي اثنعس تجليبه
،،،،،،،،،،،،،،،،،،،،،،،،،،،
سلام المرياني
