نـواياهم گشـر چـفـــايـة الماعـــون
مــــن گد ماتعبت الهم عجب ينسون
مايصحون
داويت الجـــــروح أبسكته مايدرون
وعلى التوجعني عمداً گاموأيسحكون
مايصحون
بــاعوني ابرخص والمشتري مجنون
وسامع صوت صاحو وأدعو مديون
مايصحون
كلهم جـربتهم طلعو ايچذبـون
كلهم عاشرتهم فلس مايسوون
مايصحون
بوكت الموزمه والحاميه يلبدون
وبـــوكت النفـاهـه علـــي يلتمون
مايصحون
وبــديت انا الصلح بس همه مايبدون
وگلت وكت الغروب وهلبت ايسيرون
مايصحون
وبـينلهم وجه زعـــــــلان ميحسون
عله ابگلبي حطـــو كلت سهله اتهون
مايصحون
وتعنيت ومشيت الحيهم ايفشلون
لاصاحو هلـه والا گامـــو ايرحبون
مايصحون مايصحون مايــصحون
،،،،،،،،،،،،،،،،،،
سلام المرياني
