كـدب القلــب عليكى .. وقــال
أنــا متزوج ... عنـدي عيـال
أنا من يوم ما هو جيت الدنيا
كــل حيــاتي خيـال في خيـال
يا ما بنات رنَّتْ .. وقالت لى
قلبنـا ليك ... أهو دق ومـال
وكنت بأرد .. بصوتي العالي
مش هـ يناسبك .. غيـر طبَّال
أنــا مــن بعــد حـبيبــة قلـبي
رضوى يا خلق ما شفت جمال
امشي يـا بنت ... منــك ليها
عمـر الحـب مـا كــان محتـال
ويوم ما الحب يخون العشرة
يصبـح نـدل ... مــن الأنــدال
الحب يا روحي شعور مغمور
أمَّــا الرنـة دى شغــل عيــال
مهمـا تكون مرتاحة ظروفك
عمر ما كان ف دماغي المال
قــولي لكـل ... بنـات الدنيـا
حبِّـي لرضوى ... تهده جبال
يـوجد فـرق مـا بيني .. وبينـك
أنـا حبيــت ... والحــب حـلال
ويوم م حبيبتي هـتهـرب منى
قلبي خلاص هـيموت ف الحال
****************
شعر / حمودة سعيد محمود
الشهير بحمودة المطيري
