الوكت نفس الوكت وبناسنة العلة
احنة تغيرينة وناس تاكل ناس
لاحظ لا بخت وندور الزلة
أنزع ثوب الحيا وصار الخجل مكروه
الاعوج بي بخت والعدل بي خلة
التواضع صار غلطة وماتفهمة الناس
وصفة طبع التواضع ينحسب ذلة
گبل حلوة المحنة وناس تعذر ناس
متخاوين مثل الگهوة والدلة
وكبل شربة الماي تغزر ويه الناس
والياكل بزادك زادك يجلة
نتگاسم الخبزة وننجمع عالزاد
اذا ماجاري ياكل زادي مايحلة
هسة شما توكلة النوب يطمع بيك
ياكل بالعنب وعيونة عالسلة
ابو مصطفى الغزالي
