(((المأذون)))
خطوبه وجات ف السريع
ولا لحقت أحس بمواضيع
ولا أشترى ولا أبيع
وكالعاده ف الخطوبه
اللى واخدها عادى
واللى قاعد قعادى
واللى على وشه الكآبة
وبعد قراية الفاتحه
قال وبكره الكتابه
عايزينها تبقى لامه
وللبلد الدعوه عامه
أجمعوا ولا يوم القيامه
الأحباب ويا الأغراب
والدق زاد ع الباب
ومين تانى ها يكون
أفتح أنا المأذون
وأنا ع الفرح ملهوف
قلبى طب م الخوف
فتح الدفتر وأمضى
بصلى من فوق لتحت
واخدها ردم وبحت
وسع وأظهر الحروف
يا أخى دقلك ختم
وأبوى يضرب كف ف كف
ختم ٠٠٠يادى الكسوف
يا ولدي معاك دبلون (م)
يا ولدى أعمل معروف
وسع وبين الحروف
واللى على وشه الكآبة
وأمتى الفرح ها يكون
فرح أيه تانى
كفايه فرحتى بالمأذون
كفايه فرحتى بالمأذون
*****************
الشاعر محمد علي فرغلي أحمد
نزلة باقور مركز أبوتيج محافظة أسيوط جمهورية مصر العربية
الصوره إهداء الشاعر اللبناني الكبير محمود إدلبي
