امدوهن...لاراحه مرتني وسكون
عمري گضيته بألم
فجع وآهات.........وأوهام وظنون
ما رحم بيه الدهر
خلانـي وحدي….....ابلايــّه عـون
شده عگلي بجفوته
ومنّ جوره............مسانّي الجنون
انشد بروحي گمت
اشبيّه آنه..منهو آنه....... .من اكون
شالذنب آنه الجنيته
وما نصـح دهــري............. ويـخون
يا دهر گلي اشتريد
شلك عندي.......الك مطلوب بديون
الحمد للباري الصمد
بخبزه عايش.......صابر وكلها تـهون
هذا گدري ومرتضي
بكوخ عِـزّ اتعلمت....... مو بالحصون
الحرام ابعيد عنـّه
ما تعنيت اللهو...... و لا دور المجون
للخير انهض ما أچل
علموني اطهــار............للزينه اصون
آنه صابر محتسب
وهن حيلي.......لحالي همّـاله العيون
العصه اصفت تجوتّي
بحالتّي يدري الصمد...... هو الحنون
سيد محسن الموسوي
