طمني
طمني ورد عليا يا حبيبي وقولي كلام
عقلك بيفكر فيا ولا عيونك بتنام
طمني ورد عليا طمني ورد عليا
أول ما الحب جمعنا ولهيب الشوق بقي فينا
ونجوم الليل تسمعنا بتشوفنا وشاهدة علينا
عشنا الحب وأيامه وسهرنا كتير لياليه
نهمس مع بعض كلامه نحميه ونداري عليه
دلوقتي ياروحي انا حاسس إنك يا حبيبي مش ليا
طمني ورد عليا طمني ورد عليا
شايفك دايما متغير فيه حاجة أكيد شاغلاك
بالك علي طول متحير والفكر تملي معاك
من غير ماتبوح وتقولي أسرارك وتخبيها
وتداري عينيك وتملي شارد ودة باين فيها
والرعشةفي ايدك باينة من لمسة تبان في إيديا
طمني ورد عليا طمني ورد عليا
ياااااااليل ياااااااليل ياااعيني ياااااااليل ياااااااليل
ياجميل يالي الجفا بقي واضح علي طبعك
الأصل فيك الوفا والقلب كان طاوعك
خايف تروح وتغيب وتفوتلي أشواقي
ولو كان هوانا نصيب علي العهد أنا باقي
ولو هجري كان يرضيك أنا عمري ما ألاوعك
ياااااااليل ياااااااليل ياااعيني ياااااااليل ياااااااليل
طمني ورد عليا طمني ورد عليا
بقلم شريف شحاته مصر
