طول عمرنا مع بعض
رغم اختلاف طبايع البشر
إخوة وعزوة وسند
حكمه ربنا ونصيب وقدر
ليه على نفسنا هونا
بعد ما كنا وكنا
وشمت فينا عزولنا
ولعب بينا وغدر
على أيدي شيتلك
وعلى كفوف الراحة
عمري وحدك سيبتك
ومفيش بينا مساحة
لو خاصمتك أو صالحتك
بحبك بطيبة وسماحة
ليه قلبك بقى حجر
تعدي وما تسلم
دانا بتألم لما تتألم
ليه الغريب يعلم
ع الأسيه وع الدوام مبوز ومكشر
ياما جرحتني قدام الناس
كل مره اسامح واقول خلاص
وخلاص مات جواك الإحساس
ما خلاص بقيت لدراعاتك تشمر
ف كل أزمة وكل محنه
الخلل جوانا إحنا
ازاي روحنا راح تسامحنا
و أمك بسببنا تتقطع وتتحير
حتى ف يوم العيد
كان نفسي اخدك ب الحضن من بعيد
ليه فاكر نفسك شديد
على أخوك بتغمي عنيك وتتكبر
سند بقلمي عبدالله رجب ابوعدنان
