أول أشعاري
باهديها ليك
يا حب عمري
ولا تغلاش عليك
أول ابياتها في الخيال
عيون حبيبي عيون غزال
واللي شفته من جمال
البحر فايض بالدلال
والنظره طايحه بالرجال
نجاتنا منها شيء محال
والتاني نسجته من شعورك
سارح وفارش كأنه طولك
تالتهم أد ما لوش مثال
واضح وصادح بالجمال
حبيبي كلك بيت جميل
في جنينه حلوه كمان وغنوه
تقول يا عيني وتقول يا ليل
الموده فيه والشوق ماليه
وحياتنا فيه طريق طويل
حبيبي رأيك في الكلام
يسعدني قولك باهتمام
لو حس قلبك قول تمام
يسعدني حبك فرحي بيه
واتمني قربك خدني ليه
يا حبيبي ودك شوق حياتي
يا غالي وصلك أمنياتي
حبيبي قولي رأيك إيه
ريحلي قلبي وحس بيه
معقول تبيعه وانت فيه
لو بعته تندم طول حياتك
ومهما تنده مش حتلاقيه
كفايه تقلك والدلال
بلاش تضيع حبي ليك
تعبت قلبي حرام عليك
قول بحبك أو قول سلام
* انتهت من فضل الله تعالى قصيدتي ( أول أشعاري ) ونؤكد على أن جميع حقوقنا محفوظه وفقا للقانون مع أطيب تحياتي الأديب الدكتور محمد يوسف
