طالبة شعر ..
بدك قصيدة جاهزة و خرج النشر
بأمر عيونك و القلب طاع الأمر
بس أعطيني رمش ما فيه العذر
و بدي عبي من شفافك الحبر
و أكتب يا وجه النور يا أحلى بدر
بحبك و القلب مكوي جواة الصدر
لا قادر يقول و يوصف بللجهر
و وجع الكتمان بحلقه كالجمر
رح استغل الأمر و إشرح بالشعر
شو انت بقلبي من لمحك النظر
إنت الأمل رغم الفروق رغم الصبر
إنت الجمال رغم التعاسة و القهر
إنت بين غيوم السما مثل القمر
إنت النبض بعد الدفن جوى القبر
إنت يا حرف الراء مزروع بخصر
رغم الجرح يهدي القلب أحلى عمر
إنت و شو إنت .. يا عشق مختار
حرف ربط روحين من سالف عصر
تنقلت ع زهور الربيع بكل عصر
صار الربيع زهرة وحدة كل العمر
إنت دعايي مع رجايي بكل فجر
و كاس خمر و سجود ما أحلى الكفر
صرت بهيلمان الروح تايه بالأمر
مش عارف الشيطان من رب البشر
هيدي قصيدة غزل و هجاء و نحر
إكتبتها قبل أربعين دقيقة ما تمر
تفنى القصايد و الأنامل و الفكر
بس تبقي إنت قبالي ساعات السهر
بقلمي المختار د. الياس العسافين
...
