إن الانثى ترى اجمل ما فيها وتأخذ احلى ما عندها وهى فى عمر الاربعين ترى الأنوثة اكتملت والعقل نضج تعرف ماتريد وتاخذه متى تريد وتعرف وتحس بما أنت تريد وتعطيه لك وقتما تريد حتى وإن كانت هى لاتريد عمرالاربعين عند المرأة يكون اكتمل فيها كل شىء
فكتبت هذه الكلمات امدح فيها المرأة في عمر الاربعين
كلمات شاعر بني هاشم
الشاعر صبرى عبد الواحد الحسانى
المرأة فى الاربعين
بصيت ليها وبصتلى
وضحكت لى وقالتلى
دنا فى الاربعين
قلتلها عز الطلب الشعر فيكى انكتب
ياأم عقل رزين
كبر معاكى جمالك. يابخت من حبه نالك
ياغالية وجوا. العين
قالتلى عدا العمر. والسنين بسرعة بتمر
واحنا مش حاسين
رديت وقلت جمالك خلانا مش حاسين
يا وردة البساتين
سنك جمالك زاد والعمر رجع واتعاد
واناليكى من العاشقين
يا اللى الاربعين عديتى اوعى تكونى نسيتى
دا الوقت فيه ناضجين
حكمة وجمال والعقل عارف هيدى لمين
والناس كلهم شاهدين
حبك حب حقيقى وكل يوم بتزيدى
جمال يانور العين
بيكى ماابدل عشرة. بنات من العشرين
أنا ليكى من العاشقين
خبرة وعارفه ازاى. لو رحت تخلينى جاى
وعيوني مليانين
ليكى ماليشى بديل وعيونى من الشاهدين
عيوني وقلبى وروحى ليكى مشغولين
والعقل فيكى رزين
فى كل شىء اجاده. والأنوثة فيكى زياده
وقلبك نبع حنين
ما فيشى ليكى زى ونورك فاق الضى
أنا قلبى ليكى اسير
يابنت الاربعين أنا ليكى من العاشقين
ومالاقى ليكى زى
عارفه انتى عايزه إيه. وما بتقولى أمته وليه
والكل مشتاقين
مهتمية بجمالك مهما كتروا عيالك
وسنك ما باصه عليه
يابنت الاربعين وأنوثة مراهقين
أنا ليكى من العاشقين
مافيكى شىء يتعاب وجمالك عمره ماغاب
والبنات منك غايرين
لافته نظر الكل. وكله عليكى يطل
وعنيهم مش مصدقين
مهتمية بهدومك. صاحيه وحتى فى نومك
ومفلفله الحاسدين
يابنت الاربعين. وأنوثة مراهقين
أنا ليكى من العاشقين
والله ما يسعدنى غيرك ولو ميه بنات عشرين
يابنت الاربعين بركان شوق وحنين
أنا ليكى من العاشقين
ليكى ما ابدل ألف. بنات سن العشرين
يابنت الاربعين أنا ليكى من العاشقين
اهداء منى شخصيا لكل امرأة بعد الأربعين ومازالت تهتم بجمالها وأنوثتها
صبرى عبد الواحد الحساني معلم بمدرسة الإصلاح الزراعي بنجع حمادى
