قالي القلب حبيبك زين
ورد مفتح عالخدين
جبينه منور شاغل العين
عيونه تشوفها تقول قمرين
صوته بيطرب نغمه رنين
سألت العين فين رأيك فين
قالتلي القلب ماسبش كلام
وصف الزين والوصف تمام
قالي العقل كلام هايمين
العين والقلب بتسأل مين
لكن خد بالك برضه يا زين
جماله دا سيف وله حدين
حد يصيبك يبقي نصيبك
تفرحو ضهر قول اتنين
الفرحه ترفرف عالقلبين
سعاده تهني ليل العاشقين
تعيشو ف جنه سكنها اتنين
لكن فوق واسمعني يا زين
الحد التاني معانا كمان
الغيره وشغلها مش ساهلين
بيصحو ظنون ويعلو أنين
يضيع النبض وتطفي العين
يموت الوجد ما بين حبيبين
طب والحل يا عقل أمال
زعلت القلب طرفت العين
كلامك شغل الراس والبال
بص اسمعني افهمني يا زين
جمال المعني يقول أمرين
الأمر الأول صونه في قلبك
والتاني تملي تكدب ظنك
خليك متاني في خطوة دربك
حتعيش متهني وتحفظ حبك
* انتهت من فضل الله تعالى قصيدتي ( افهمني يا زين ) ونؤكد على أن جميع حقوقنا محفوظه وفقا للقانون مع أطيب تحياتي الأديب الدكتور محمد يوسف
