××××××××
اِرفع إيدك واضرب يا واد ......تعظيم سلام لعمامك
اِحنا اللي علمناك إزاي...... تعرف تمسك رباط زمامك
واحنا اللي علمناك إزاي ......... تسوق لجام حصانك
واُحنا اللي علمناك إزاي تتكلم وتحفظ ميزان مقامك
وعلمناك إزاي تكتب الحروف . وتوزن اللحن بكلامك
وعرفناك السكة . .وطبطبنا عليك وعلى أسى أيامك
وجاي النهاردة تتنطط علينا....... وتعوجلنا في لسانك
ونشوف زغرة عينيك والغل .. ......خارج من شرارك
وقلة الأصل طبع وانطبع ...على جبين جوانب جنابك
والغدر توب ملفوف بيه ......حوالين قوامك و ثيابك
ملعون ملعون اللي عصوك وخلُّوك تفرض علينا حالك
ونَسُّوك الصح وبقيت....... تورينا الغلط في تصرفاتك
وخدوك في طي التوهان ........وغيروا طيبة أفعالك
ولقوك لقمة هنية مضغوها وأكلوا لحمك قبل عظامك
وجاي تبكي عشان نساندك ونلحقك من اللي جرا لك
ورغم كده حنُقف معاك ...ونصد عنك ظلام عدوانك
فإوعاك تِنْسَ يا واد...... تضرب تعظيم سلام لعمامك
بقلمي
أديب وشاعر مهندس /محمد عوض
25/5/2025
