الاكاديمية ‏العربية المغربية ‏للشعر ‏والادب

الدنيا ماشي دايمة

يا صاحبي خَبّي السرّ، وخَلّي الصّمت دواك

ما تْقولش كلشي، را النّاس وْلات تْشراك

اللِّي عطيتو لْقلبك، باعك وْخلاك

والي كنتي تْحْسَبُو خُوك، هو اللِّي غَلاك

بْني حياتك بْراسْك، وسِدّ كاع البّواب

اللِّي دار فيك الخير، غير هو اللِّي يْتْجاب

ماشي كولشي صاحِب، راه الوقت كْتاب

والي ما فيه نفع، حْسابه فالغياب

لا تْفْتخر بْعيبك، راه السّتر لباس

وماشي كل دُموع، تستاهل الإحساس

اللِّي تْعَشَمْت فيه، خْلاك فالخْلاص

وَاللِّي كان ساكِت، هو اللِّي فيه النّاس

الدنيا دارت، وْقْلبات علينا المْيزان

الزين وْلّى كيتباع، والمْزيان وْلّى فَنان

القلوب قْسات، وْالمحبّة وْلات نِسيان

كلشي كَيْجري، وْما بْقاش وقت للحنان

ما تْبكيش على اللِّي خان، هادشي راه قْسمَه

ماشي كل جْرح، نْزيدو نْديرو عليه بسْمَه

اللِّي بغا يْبْقى، يْبْقى بِلا تَكْلِيف ولا سْمَه

وَاللِّي مشى، رَبي يَجعلها فيه رَحْمَه

ما تْحْزنش يا قلبي، راه الصّبر مفتاح

واللي خان عُشرتك، راك عارف سْلاح

الدنيا تْقسى، وْماشي دايما بْمزاح

والوقت يْداوي، إيلا خَلّينا الجراح

اللِّي غاب برغبتو، ما نْطلبوش سْماح

واللي بْغا يبقى، ما يْقَصّر فالمْزاح

الزين كاين، وْماشي كلشي قْباح

والخير باقي، غير خاصّو اللِّي باح

بقلم الزجال حسن السريفي