الشاعر صبرى عبد الواحد الحسانى
فى الجد ما لقيتهوش
اخ وصديق ولكن
فى الجد ادور عليه ماالاقيهوش
ولو يوم عاتبته على فعله
الاقى كلامى ما يعجبهوش
ومحسوب عليه صديق
واى سر عنه ما اداريهوش
مش عارف العيب منى
ولا منه ما تعرفوش
أنا عن نفسى والله عمرى
فى اى حاجه ما خزلتوش
اخ وصديق فوق رأسى
كنت شايله وما نزلتوش
كنت طاير بيه فى السما
والهوااخليه ما يلمسهوش
طلع هو اللى زى الهوا
وانا اللى كنت ما اعرفهوش
بلونه وكانت منفوخه
كدب وخداع طريق بالشوك مفروش
ومشيت فيه وانا حافى
وكنت فاكره ورد مرشوش
الثقة كانت فيه عمياء
وعمرى ما خونتهوش
ده كان اخ وصديق
اللة فى الجد احتجته وما لقيتهوش
