وبيقدر
وابن أصول ومن يومه،
وخدله شهاده متقدر،
لا عمره ف يوم نطق لأه،
وياما كتير
كتير عدا
وقال معلش انا الأعقل،
لمين يا حبيبي ،ومين يسمع
دي خلق بهايم ولا بتفهم،؟
وضاع العمر وما القتش،
أصيل بيصادفك ولو مره،
خسيس بيعيشها ويحور،
وتلقي الغفل بتصدق،
وعيني عليك ،ما عاد ينفع
تقول لأه
ومش عايز
جراب الحاوي
ما بيخلص،
لبست خلاص ،خلاص كمل
واقفل بقك ما تتكلم ،
دا سعر وماشي ف السوق
وبايع شاري،مش فارقه،
دي هيصه وزفه،وناس تايهه،
مين مع مين ،حاجه تحير ؟!
ومين ف الوش بيحبك ،
ولما بتمشي بيسئ لك،؟
ما يمسح دمعك سوي كفك
ياريت تعرف،
ما تتعشمش،كده وهدي،
ولا تقلش،فلان لأه،
ياريتك كنت من الاول
واد واعي ولا بيغفل
ولا تقولي
محال يطلع،
قليل الاصل ،أو يخدع،
كان بيقولي
انا ف ضهرك
دوا جرحك،
وما لي سواك ولو تسأل،
تلاقي القلب متفتت،
اقطع نفسي واتفرط،
ولو مسك،
هم وحزن أسمع لك،
تلاقي الروح فدا دمعك،
وكلت بجد صدقتك،
وقلت الكل الا انت
لاقيتك للأسف أسخم،
بياع ،بكاش،كمان منظر،
كلامك عالي متستف
ورسمك عال ،تقول حقه ،
لاقيت اللون كده بيبهت،
صحيت م نومي أنده لك
لاقيتك حلم،
وأوام عدا
احمد شبل
