..
هتسالوني مين الصاحب ؟؟
الصاحب هو اللي لفعل الخير ساحب
ومعاك دايما في الحق والواجب
وعن الظلم اللي عليك حاجب
وقلبك يادوب يشوفه يقوله أهلا مراحب !!
..
الصاحب هو الموجود وقت الشده
واللي ينصحك لو أفكارك عن الصح شارده
واللي يحفظ هديتك حتي لو كانت ورده
واللي تحن لرؤيته لو غاب عنك أي مده
وأنك تشتاق تشوفه امبارح قبل النهارده !!
..
الصاحب هو بحر عميق لاسرارك
اللي دايما يصونك في عملك ومالك ودارك
واللي عمره مايخونك ولا ينقل اخبارك
واللي يقف في صفك وكمان يرد اعتبارك
واللي يزيد من عزمك ويرسم معاك أفكارك !!
..
الصاحب الجدع معاك وقت اللزوم
اللي يفرح لفرحك ويزيل عنك الهموم
واللي في وسط الموجه يعلمك ازاي تعوم
وفي طريق الهدايه دليل واضح معلوم
وفي بالك وفي خيالك عمره مايسيبك يوم !!
..
الصاحب اللي لو غاب عنك تحس بخنقه
واللي يفتح طريق لو كنت انت في زنقه
واللي يحارب عدوك من غير عطف ولا شفقه
واللي يشاركك في هدفك ومعاك في أي فرقه
واللي يضحي بحياته وروحه معاه مش فارقه !!....
مع تحياتي
محمد عبدالمريد
