إلا وانت معاي
أحلامي تقول وياي
إحساسي مالوهش حنين
وحنيني جمود مايلين
ضيع من عمري سنين
إلا وانت معاي
أفكاري تقول حواديت
وكمان جدران البيت
عشمانه تقولي ياريت
أشوفه لعندك جاي
إلا وأنت معاي
أشواقي تقول بركان
متحفز قول عمران
مستني لحظه يفور
وإن شافك يملي بحور
أشوفها بتجري وراي
إلا وانت معاي
النبض مالوش إحساس
والقلب يقول ماخلاص
كفايه فراغ وفتور
املانا غرام وأساس
يعطينا أحلي شعور
إلا وانت معاي
باشتاقلك تشبع روحي
واسالني يقولك بوحي
ما انا عايزك دايما جنبي
مشتاق ومقدر حبي
طول عمري تكون وياي
الفرحه تشوفها عينيك
وانا قلبي ملك ايديك
نعيش أحلامنا حقيقة
ما تسيبني حتى دقيقة
إلا وانت معاي
* انتهت من فضل الله تعالى قصيدتي ( إلا وانت معاي ) ونؤكد على أن جميع حقوقنا محفوظه وفقا للقانون مع أطيب تحياتي الأديب الدكتور محمد يوسف
