...
ابْلا ازْواقْ سطْحي،
ابْلا اقْوافي ..
ها تاغنْجَه جايَّه،
مالْ راسكْ امْگرْننْ ؟
بِ لَخْرافي ..
اصْبرْ،
ها تامحْنَه غايَه !
امْع ازْعافي ..
هي كلْمَه واحْدَه،
احْروفْها متْقاطْعَه،
اظْروفْها متْناقْضَه،
اصْروفْها منْتاشْرَه،
بِ امْعاني رامْزَه ..
مالَكْ ياكْ ما ؟
واهْ يا واهْ يا !
لرْضْ نبْتاتْنا،
ؤُ مازالْ حاضْنَه ..
اَزْرعْ ابْدىٰ ؤُ ماتْ،
ؤُ ادْراسْ اقْضىٰ ؤُ فاتْ،
الْگاعَه فضّاتْ،
ؤُ الرْحىٰ طحْناتْ،
الْمطْمورَه اخْواتْ !
لكنْ ..
اسْما كَ اتْشوفْ حاضْيَه،
ؤُ النّاسْ تحْتْها ماضْيَه،
علْ لَخْوىٰ قاضْيَه ..
هاذَ ازْمانْ ازْواقْ .. ازواقو !
بِ انِّفاقْ !
فِ امْكـانْ لَعْياقْ !
بِ لَحْماقْ .. احْماقِي !
.. صوَّرْتُـــو فِ الظَّلْمَه،
بِ لَفْلاشْ،
.. اخْرجْ ليَ بِ انّْـــهارْ،
فِ لَفْراشْ !
.. بقلمي امحد ازريزن: البيضاء_يونيه 23_2025.
