إحساسنا قال
يا حلو قال
ليه عقلي شايفك
في الخيال
ليه قلبي مال
ليه عيني قالت
والله حلو
وشكله عال
قرب لنا قرب هنا
جاوب وقولي
القلب مال
فرح عيوني
دوب ظنوني
كتير تعبت
وحالي حال
صورتك يا غالي
باقيه ف خيالي
القلب طب
وكان محال
خلاص وادينا
فرحت عينينا
دابت ايدينا
إحساسنا صادق
مش خيال
يالا بينا
نروح لمينا
ناخد سفينه
شراعها شوقنا
والحب قال
غرامنا طارح
هوانا سارح
في بحر مالح
أمواجه راخياله
الدلال
تقول تعالو
نقول ومالو
أحلامنا حلوه
بتغني غنوه
ابياتها توصف
دا الجمال
نبني بيتنا
ونعيش حياتنا
وذكرياتنا
نحكيها بكره للعيال
* انتهت من فضل الله تعالى قصيدتي ( إحساسنا قال ) ونؤكد على أن جميع حقوقنا محفوظه وفقا للقانون مع أطيب تحياتي الأديب الدكتور محمد يوسف
