............
وين العرب
............
وين شيوخ العرب وكرمها
الشبعت شعوبها من نِعمها
وين السكب دمعتوا بكاسي
تيسقي يتامى ويسّْكن ألمها
وين الحمل جروح ومأَسي
وحمىٰ الأمه وحافظ عاقيمها
وين الرفع عنا التعاسي
ومجد بلادنا علا قممها
وين السلك دروب السياسي
بحكمة عقل حروبوا حسمها
بجوهر لسانوا عطانا حماسي
بسيف الغادر سنينوا ختمها
وينك يا فيصل تاجك عاراسي
أمركا وحلفها كفك رجمها
وجمال العز قياسوا عاقياسي
حياة الغازي بأرضوا عدمها
وسلطان باشا عاجبال الرواسي
جيوش النصر يرفع علمها
وأدهم خنجر برمحوا القاسي
لوحات المجد عاجبالنا رسمها
حكام اليوم همها الكراسي
بخزنة مال باعة ذممها
استبدلوا ثوب الطهاره بالنجاسي
الشرف الكرامه والعروبي هدمها
وتيجان الحكم بسوق النخاسي
نباعت وما صحي ضمير العرب
بعد الهزيمه شو بينفع ندمها
............. ................
بقلم الأديب والشاعر يوشع علي إسماعيل