...
توهنا وسط الزحام
والصدام والسبوبه
وضيعنا مابين البلاء
والغلاء والانبوبه
وكل حاجه يابلدي
صبحت فيكي مقلوبه
وفسدت كل الذمم
واحلوت المعيوبه
والحب وفعل الخير
اتحول لاكذوبه
وزادت الحكاوي
والفتاوي الغير منسوبه
والبنت قلبت ولد
وجعفر بقي زوبه
والبلطجه في الشوارع
وطوبه علي طوبه
والاهالي من ولادها
هي اللي مرعوبه
والخيانه والنداله
هي اللي مطلوبه
والواجب وصلة الرحم
مابقتش مرغوبه
ومات جوانا التحدي
والاراده مسلوبه
وكل الطموح والاماني
اهداف مش محسوبه
ورغم كل الجراح
اجيالك برضه موهوبه
وعندي امل اشوفك
يابلدي محبوبه
ونرجع نقود العالم
ونفوق بقي من الغيبوبه !!!
...
مع تحياتي
محمد عبدالمريد
شاعر العروبه
..
