داخل مصر أو خارجها خصوصاً المغتربين و المغتربات من شباب مصر إلى من طاوعتهم قلوبهم على الهتاف ضد بلدهم تحت اى مسمى هذه ليست حضارة هذه حقارة
عملوها الاندال
كلمات شاعر بني هاشم
الشاعر صبرى عبد الواحد الحسانى
عملوها الاندال
والله وعملوها الاندال
وقلبوا علينا حتى العيال
لا بنت ولا ولد نافع
وكتر ما بينا وبينهم الجدال
من زنهم على ودانهم
نقول يمين يقولوا شمال
عيالنا ما بقوش لينا سامعين
من بعد ما الحمل تقل ومال
والله عملوها الخنازير
وغيروا حالنا لأسوأ حال
سحبوا البساط من تحت رجلينا
والأرض أصبحت مالحة ورمال
لا زرع فيها نافع ولا قلع
والحرام أصبح ينقاله حلال
والله عملوها بحرفيه
خلوا العيال تعبد المال
عملوها والعيب مش عليهم
العيب فينا وفى الإهمال
رمينا ولادنا فى احضانهم
وقلنا التعليم خير مجال
اتاريهم كدب وغش ووهم
ما بين اولادنا قطعواالوصال
يا بلدنا اصحى ولادك هيضيعوا
بكره ما هتلاقى بينا رجال
أفكارهم خلاص ما بقتش أفكارنا
شايفينا حمل على كتافهم منشال
بيقولوا تقدم ونسيوا الحضارة
ومشيوا ورا الكدب والخيال
نسيوا انه احنا الأصل
وما ليناش شبه ولا لينا مثال
والله وعملوها الاندال
قلبوا علينا حتى العيال
واحنا نيام مش عارفين
واتارى اللعب من ورانا شغال
عايزين يضربونا فى شبابنا
جيشنا لقيوه صعب المنال
لكن ربك كريم وموجود
الضال هيرجع وينصلح الحال
واللى مش هيرجع مش عايزينه
الفرع ما ليهوش عازة لو مال
ربنا يهدى اولادنا وبناتنا اللى اتسممت أفكارهم وطاوعتهم ألسنتهم للهتاف ضد بلدهم ووطنهم
واللى مش هيعقل يبقى جابها لنفسه
