كلامك كله خداع
إنسان كداب بياع
من يومك تحكي كتير
وتجمل في التعبير
بتبيع الميه لبير
وبتهرب من التفسير
طول عمرك غاوي مناهده
وعيونك شايفه وشاهده
متقول اخرتها معاك
خلاص ما انا قلبي لغاك
من كتر ما نبضه سمعلك
ولا مره بتوفي بفعلك
روح شوفلك حد ف لونك
بيدور ويلف ف كونك
يستاهل اللي يطاوعك
حكاي وكمان فنان
توديه البحر ف ساعه
وتجيبه كمان عطشان
تعبان وتبان غلبان
إنسان والأصل شيطان
* انتهت من فضل الله تعالى قصيدتي ( الأصل شيطان ) ونؤكد على أن جميع حقوقنا محفوظه وفقا للقانون مع أطيب تحياتي الأديب الدكتور محمد يوسف
