غيابك خلى عقلي راح مني
وظلي
خلاص أصبح غريب عني
وصورتي
لا مش هي دي صورتي
كل ما اقول قربت انسى
تلاحقني نظره عنيكى
توحشني لمسه ايديكي
ألقى نفسي مشتاق إليكى
خلاص هنفترق
عايزه الرسائل هبعتها ليكي
بس أنا مش لاقيها أعذريني
عطيتك أكثر مما تتمني
وسألتك أيه يبعدك عني
سألتك كثير و أنا لسه مستني
********
كنت تايه وعيوني شارده
بس اللي فاكره كل الرسائل
مرسوم عليها قلبين وورده
حتى الكلام كمان نسيته
بس اللي فاكره كلمه بحبك
******
و الشجره مكان لقانا
ما عرفتهاش منى تاهت
بس اللي فاكره مكتوب عليها
أسمي وأسمك كنت كاتبهم للذكريات
*****""
ما كنتش أقصد أخسرك
ولا كنت أفكر ان في يوم أكسرك
اللي كسرك كان عنادك
إياك تعمل حجتي
أنت عامل زي اللي يضرب
ويجرى يسبق يشتكي
******
نسيت اللي كان بينا
مش عايز قلبك يحبني عنوة
نسيت قلبي
نسيت البسمه و غمزتي الحلوه
نسيت دلعي
نسيت الضحكه العاليه و الغنوه
خليتني نسيت روحى
وفي حقك دي مش حلوه
الشاعر / عامر عبده عامر
مصر
