عل البر وحديا
وراح هناك لبعيد
للموجة والمية
ياخوفي يا صغير
تغرق بنات لأمواج
البحر ماله قرار
وغدرته بمية
تعال ياصغير
على صدري وادلع
سيبك من الأمواج
لبحوري واطلع
دا أنا بحري ليك مجداف
وأمواجي ليك تخضع
عوم الحبيب نجوايا
وطلته غية
قمراية تضوي في ليلي
والأصل بنية
سيبك من الخطرات
واسبح في حوض نيلي
ميلي يا فرولة
على الغصون ميلي
هواك دا حكاية
جدد مواويلي
وأنا والله لا اشغلك
من رمشي شجراية
تغطي فوق طيفك
تسبح في ضلاية
والروح بتهتفلك
تعال هنا حدايا
خوفي يا صغير
عليك من الأمواج
ترفع حيا توبك
ياكلوك عيون لامواج
وأنا فداك روحي
وقلوعي ليك أبراج
ف الشط والمية
دا أحلى صيف وياك
وأنا روحي ف شامية
والعقل كله حداك
وف قلبي حنية
وإياك يابير مسعود
ما توشوش المية
تهديني بالموعود
ودي أحلا بلطية
تحياتي... صبحي عاشور
