كلمات شاعر بني هاشم
الشاعر صبرى عبد الواحد الحسانى
غلبنى الشيطان
غلبنى والله الشيطان
وسمعت أمس كلامه
رغم انى كنت المنبه
ضابط بيدى تمامه
وتقلت دماغى ورحت فى النوم
اصابتنى فى مقتل سهامه
يمكن علشان قلعت ضرسى
دى كانت نتيجته وآثاره
غلبنى اليوم الشيطان
والفجر ما كنتش إمامه
من سنين ما قدرشى عليه
وفى صراع بين كلامى وكلامه
دائماً أنا كنت الغالب
ولا يوم وقعت فى غرامه
ياما قالى نام لسه بدرى
وكنت اقوم قبل الاقامه
انهارده ما اعرفشى ازاى
النوم سلمت أمامه
والفجر منى راح
انهزمت لكن بكرامه
علشان قلعت ضرسى
. والبنج عمل أعماله
انهرده غلبنى الشيطان
واصابتنى فى مقتل سهامه
غلبنى اليوم الشيطان
وخسرت جوله أمامه
