***********
وبكتبلك
لما ألاقى الكون
بيندهلى ويندهلك
وبخطف فرحه
كنت نسياها
وكلمة حب
قولتها لنفسى
عنى وعنك
كنت خفياها
شعاع الشمس
بيضحكلى
ونور بكره
بيبعتلى
رسايل حب
وورد الصبح
على خدى
يفتحلى
وقمر سهران يسلينا
بيكتب عنا
فى عزالليل
فى عز الحب
قصايد شعر
يفرحنا يبكينا
أتارى الباقى
منى ومنك
حلاوة روح
وبوح ساكت
مش راضى يبوح
وأسافر ويا سرب حمام
وبهرب منك
ومن الأيام
علشان قلبك
يشتاقلى
بفضل أعيش
بعيد عنك
ولا إنى أعيش
بجناح مكسور
وأكون جنبك
بسطر حلمى
بغروبك
وأقرا كلامي
فى سكوتك
وبكتب عنك كل يوم
غنوه
وورده كنت شيلاها
أتعطر بيها
أفتكرك
يزيد شوقى
يموت بوحى
والباقى من حبى وحبك
حلاوة روح
منين ماتروح
جوايا ليك حنين
مدبوح
على صوتك
على صورتك
قلبى المسكين
يبكى وينوح
أنا كنت لك
كتاب مفتوح
فيه صفحه بينا
مفقوده
يمكن تكون مقصوده
وأرجع تانى
أكتبلك
وأرجع اقولك
بشتاقلك
***********
بقلمى
عبير محمد
ذكريات العمر
