كلمات شاعر بني هاشم
الشاعر صبرى عبد الواحد الحسانى
علشانك هسكت
علشانك يا بلدى
هسكت ومش هتكلم
هكتم همى فى قلبى
واعيش وانا متألم
مظلوم فيكى وانا اللى بنيتك
واللى علمته عليه بيعلم
شبابى فيكى فنيته
اكبر فى ولادك وأعلم
ولما كبرت رمونى
وقالولى سلاحك سلم
خلاص ما لكيش دور
ومعاشى ملاليم بتسلم
معاش ما يأكل عيش
ومعايا عيال بتتعلم
غاز وميه ونور
والباقى للايجار بسلم
الكل بقى فوووووق
وانا وحدى فى بير السلم
معاش كأنه شحاته
رغم أنه حقى وعندهم متسلم
انا عايز حد أدنى
من مالى اللى عنديهم متكوم
انا هسكت يا بلدى
علشان عارف الظروف ومقيم
لكن بصراحة مش مسامح
ومن جوايا عايش بتألم
الخير زرعته وما بدوقه
وسمايا أصبحت تغيم
هصبر يا بلدى علشانك
يمكن الأمور تتحسن وتتقبم
