.............
الدكتورة حنان
إسم على مسمى لصاحبة القلب الطيب
النقي اللي كله رقه وحنان
حنان بنت العشرين من عمرها على خلق عالى
من الأدب ملاك ماشي فوق الارض بروح إنسان
حنان
والله يابنتي ماأنا قادر أتخيل
إن مش هانشوفك تاني تنوري حوارينا
ولا قادر استوعب إن هنادي عليكٍ مترديش
بفراقك طفيتي الشمع اللي كان بينور ليالينا
يابنت القلب يا زهرة يانواره البستان
أنا كنت عايز اكتبلك قصيدة تكون غنوه
فرح لعروسة لبسه الطرحة و فستان
بداية كلامها يلامس القلب باإحساس
يوطي يبوس على القلب الماس
كلام من الحلو لكن عاجزة القصيدة
تطلع فوق الشفايف حرقة السطور أحزان
مش عارف اوصفلك إيه اللي حصل لينا
لما زاعوا وسمعنا بالخبر وقعنا مغما
علينا من صدمه الخبر كأنه كان بركان
معاها اتبدل توب الفرح بحيره
وحسرة كسرت قلوبنا جميعاً وعمت المكان
حنان
كان لسه الوقت بدري تمشي وتسيبنا
وهنُا عليكٍ بسرعة كدة
تروحي من غير ماحتى تودعينا
والله يابنتي ماتهوني علينا
أنا عارف إنه غصب عنك إنك تتركينا
وعارف إن الفراق صعب جدا عليكٍ ولينا
بس دأمر ربنا ولازم نسلم لأ مر القدر
رغم أنه فراق صعب لما يكون
من أغلي ناس علي قلوبنا وغالين علينا
فراقك مش هين ولاعمره هايكون لين
لانه موتك موت حاجات كتير حلوه جوانا
الأمل اللي كان فأرد جناحة ومخيم ع بكره
معاه الاحلام الوردية
معدش خلاص حلم وليد ولافي شئ جديد
يستاهل تجديد كله نسف ضلوعنا حطم قلوعنا
إنتهينا وإنتهى زمن رجوعنا
وإزاي هانقدر نكمل ونعيش ونتحمل دموعنا
لمشوار الحياة من غير وجودكم جنبينا
طب وازاي هنحس بطعم الدنيا وأنتم مش فيها
أكيد هاتكون علينا مٌره وصعبه
وهننسا بسمتنا وسط اللمه والقعدة
لأن انت قررتي تمشي وقرارك كان صعب علينا
بقلم عبد المنعم مرعي
