* بنت العرب*
"باللهجة العامية"
راكبي ع مهرة ومشنشلي بالذهب
ع كتفها شال مطرز بالقصب
عيونها سود والخدود موردي
شفافها من رضابهن بيعبوا قُرب
قربت لعندها وقصدت حاكيها
حياكِ الله يا مليحة العرب
سبحان الله الخالقلك هالجمال
بنت الاصل والحسب والنسب
ردّْتْ عليِّ ببسمة وقالتلي:
إحكي شو بدك وخليك ضمن الأدب
فكرت قبل ما ابدأ بالكلام
لكن لساني تلعثم ونسيت السبب
شوي مرق طير وعكتفها هدّْا
أخذ بوسة من خدها وهرب
ضربت كف بكف ولعنة حظي
ما كان همي إقتل الناطور
لكن همي كان اكل عنب.
"مشنشلي بالذهب: مزينة بكثير من الذهب.
"هدّْا: حطَ
= يوسف محمود شحرور.
