أيوه عشقتك
يااللي عيونك سحرت قلبي
يااللي خدودك حلمي وأملي
ولا شفايفك دول أعجوبة
سارح فيهم طول الليل
حتي نهاري شايف طيفك
بينادي آه ياعيني ياليل
أيوه هويتك
ليلي نهاري بقول حبيتك
أصل هواكِ منذ طفولتي
شفتك طيف قمت استنيتك
صورة انثي بشعر طويل
شفت الرمش جميل وكحيل
ليل ونهار وأنا بحلم بيكِ
تمر سنين فجأة ألاقيكِ
وانتى الحلم الغالي عليا
أيوه هويتك مش ب ايديا
أيوه بحبك
وإزاي أنكر عشق سنيني
وأنا بحلم امتي تقابليني
وأنا مشتاقلك زي العيد
يااللي بعادك عني شديد
وانا طول عمري بلف عليكي
عندي يقين إني هلاقيكي
بقلم أحمد سلاطين
