مصر طيبه وأمانة
**********
مصر طيبه وأمانة ............................... مصر الناس الشقيانة
والست جنب الراجل أيد بأيد شغالة
مصر طيبه وأمانة .............................. والست زي الراجل بتشقى وتعبانة
من الفجرية الست بتصحى ................. وبتجري على لقمة عيشها
وشايله فراخها في قفصها ................... وعلى السوق رايحة تبعها
واللي بتفرش على الأرض خضارها ......
واللي شايله على رأسها عيالها ............ وراجعة من الغيط بخضارها ....
والست القاعدة بسماكها .................... تعبانه على رزق عيالها
مصر طيبه وأمانة ............................ مصر الناس الشقيانة
والست دي جنب الراجل ................... أيد بأيد شغالة
والراجل طالع من بيته ..................... بيجري على رزق عياله
واللي رايح على غيطه ..................... فرحان وبيضحك ولاهمه الدوامة
دوامة الدنيا الدوارة ......................... زاي السواقي القلابة .....
دايرة والناس فيها غلابة
والتاني طالع بيغني ......................... معسلة قوي يا بطاطا
والتالت رايح على شغله.......................... بيزرع ويبيع في الورد ........
ولا عمره جابه في بيته ولا شمه
والرابع بيبيع قلل وآصاري وأزيار ....... وعقله من الفكر أهو طار .......
واهو شايل همه ولا همه
والخامس داير على الرزق بينكش ....... ماهو أصله سارح بحرنكش
والسادس طالع من بيته .................. بيدور على لقمة عيش ..ملآش غير شغلة خباز
واهو واقف آدام النار ...................... وبيخبز للخلق العيش
والتامن ست وفرشة بتبيع في زتون .....
من التعب سندت ع الحيطة ............. أم راحت آه يا عيني في النوم
والتاسع ماشي و بيلقط رزقه .....
ولاقى له رغيف شمسي وناسف ...... من الفرحة راح ماشي بياكله
والعاشر طفل أهو صغير ................ شغال في الورشة ..... يقول له يا بلية
مع ذلك قاعد ولا همه ................... بيشرب كباية شاي العصرية ......
وبيضحك ضحكة والله ................ ودي كانت أجمل ضحكة في الدنيا
وأهو كله ماشي ولا همه ............... والكل بيدور على رزقه
مصر طيبه وأمانة ....................... مصر الناس الشقيانة
والست دي جنب الراجل ............... أيد بأيد شغاله
مصر طيبه وأمانة
***************
بقلمي
الشاعر:الشافعي محمد الشافعي غالي
مرسى مطروح - مصر
#الشاعر_الشافعي_محمد_الشافعي
