---انتهى زمن السكوت----كلمات الشاعر احمد جابر سويلم
انتهى زمن السكوت
الفقير مش راح يموت
لو جابوله ميت تابوت
صوته عالى ايوا عالى
ليه تقولو عليه هلفوت
اصحى فوق يابن الزوات
انتباه اقف ثبات
مصر قامت ايوه قامت
ارحلوا عن مصر يلى
مصر مش عايزه العاهات
انتهى زمن السكوت
كل خاين مهما عاش لازم يموت
انتهى عصر الكلام
وانتهى ليل الظلام
واطلعى ياشمس هلى
عالغلابه قومى طلى
نورى كل الحوارى
ادخلى كل البيوت
ليه ظلام الليل يبات
لسه هنعيد اللى فات
شعب عانى من الاهات
شعب صابر ايوا صابر
صعب تحديد الجينات
شعب صامت مش خوف سكات
شعب لو حب اللى حاكمه
يرفعه فوق الهمات
يرفعه فوق الهمات
