* نصيحتي ليك *
بقلم/عمااد الأبنودي
•••••••••••••••••
نصيحتي ليك .... !
ياااااااا حب إمشي .....
ملكش مكان ع أرضنا
الغل بقلوبنا عشش
و الغدر أهو صار طبعنا
ماتت براءة بأيدين غدارة
ع الملأ و قصااااد العيون
و كأن الدنيا بقت غابة
والوحوش صابها الجنون
بذمتك هو ده مكانك
تدوق المهانة و تشرب ذل
ولا خلاص ولي زمانك
والأحاسيس اهي بتمل
كان الخجل دايما صاحبك
و بين الأحبة في حياء
والنظرة تقول ألف معني
مش غل و كره و جفاء
نصيحتي متقربش أرض البشر
أصل الكره زرعه بأن
حتي ذكراك ملوش آثر
والكل هنا بقا خوان
هتجي تاااااني لأرضنا
ما هينوبك غير الوجع
إحذر قبل ماتقربلنا
قلوبنا خربت و فيها البدع
مجروح و محدش يسمي عليك
و تعاني تبكي دايما وحديك
و تجني شوك الاذي دوما
و محدش هنا يسال فيك
قرب شوف حال حبايبك
عايشين أيام أوقاتها صعبة
و مفيش اللي يقدر جمايلك
تقولشي الكل راح ف غربة
عرفت ليه ........!
أنا بأنصحك ....
اكمني خايف تعيش جراح
و پأقولك حاجة تنفعك
بدل ماتبكي ع اللي راح
وقتها هيكون فات الندم
والمشاعر دبلت حزينه
و ايه يفيد بس الندم
مادام وجودك مالوش قيمة
لملم حالك وامشي بكرامتك
خليهم يحسوا غيااااااابك
أصلك غالي تملي بقيمتك
و مش أي حد تلاقيه صانك
بقلم / عماااد الأبنودي
4 . 7 . 2022
