شبع من جور ماهو كان يعاني
وليت من كنت احبه زاد تجمل
ولكن للاسف طبعه اناني
ولجله كم وياكم كنت احمل
وشلت الهم انا طيلت زماني
تحملت الجفا يوم الجفا حل
ويوم سافر وغادر ارض ثاني
تحملت الغياب والهجر ذي ضل
ثلاثة اشهر تبع كامل جفاني
وليته يوم فكر صدق يسئل
وليته باتصال واحد اتاني
مريح مفتهن مايوم قد مل
وانا مجنون من بعده جناني
وعاود بعد طول الهجر واقبل
يعاتبني ويحلف ما نساني
وانا من لهفتي والشوق اأمل
وانسئ الهجر لن حبه عماني
وعدني بـايعوضني بذي زل
ويغمرني بحبه والحناني
ثلاثه ايام وعاود مثلما اول
وهمي والحزن بعده غزاني
ويظهر يوم ويغيب شهر لاقل
ويوعدني ويخلف يوم ثاني
بقلبي يالطيف كم قد تمهزل
وكم بالضيق والاحزان كساني
مقيد في سجون حبه مكبل
ولا طيق فرقته حتى ثواني
ملبي مطلبه ماقلي افعل
وهو يفعل بعكسي قصد عاني
يكويني ويجرحني ويزعل
وانا ارضيه رغم انه كواني
تحملت الذي ماهو يحمل
وليته يوم في عينه راني
بعينه كان يراني مثل الاهبل
وخاتم واضعه وسط البناني
ضميرة مات واحساسه تقفل
بكبرة والغرور هدم كياني
من افعاله فوادي قد تعطل
وانهار الجسد واعجم لساني
جعله ينقهر يحزن وينذل
يذوق المر ذي منه سقاني
....ابو العز الدعوس....
