-------------------------
آفة إجتماعية خطيرة
التسول ضمن أبعادو الحقيرة
ذل و بهدلة و إنحنا هامة
كسب مالي بسهولة من العشيرة
مهنة الخجل ما فيها و علامة
الحيا مفقود ذلاتو مريرة
المتسول عم يحط الملامة
على الفقر و عأمراضو الكثيرة
التسول رغم أسبابو و حالاتو
بيبقى مر و الحنظل حلاتو
رغم إنو ابتزاز و كسب مالي
بسهولة بس ما أبشع صفاتو
الفقر و المرض ضيفهم عالجهالي
التسول للبشر رافع راياتو
الوضع الإقتصادي و البطالي
و طفالى بلا غطا عالأرض باتو
المدارس و الغلا و السعر عالي
خلى الجهل يعلا في فلاتو
و يصيب الثقافة بسهم صالي
بسهم ما بتقدر تقاوم نجاتو
و شرعنها الكسول الإتكالي
وراثة بحق أسرة بحد ذاتو
أطفال الشوارع شي خيالي
و معاهم بالعدد سجـَّل مراتو
عشر حالات فيها لو جمعنا
معانيها تا ننقذ مجتمعنا
تحريم التسول. و الرعاية
نقدمها و بلا ما نقول دعنا
مراقبة الوضع. نطلق دعاية
تحلل كل شي عنها سمعنا
و.دراسة كل حالة في عناية
بأخذ إجراء قاسي بكل معنى
معاقبة التسول كالجناية
لفعلو و الجرم حكمو رفعنا
و دعم من البداية للنهاية
و للمحتاج نضويلو شمعنا
و نشر التوعية لحد الكفاية
كلما لأجلها جينا اجتمعنا
و عاشرها من الإعلام راية
تخطيط بمجالاتو العديدة
و بصدق الحل لو نهجو اتبعنا
الشاعر د. علي مسلم عجمي
لبنان
