اكاديمية ‏العرب ‏الالكترونية ‏للشعر ‏والادب

ياأنثى يا أسره .. 

   قلم السيد بدر 

   فى وجودك اللمه 

    بعدك مافيش لمه 

   ياانثى ياأسره ياشمعة للعيله

.......

   بعدك فين اللمه بعدك مافيش لمه

   مفتوح البيت بحسك 

   ومعطراه بمسكك

   يباركلنا حسك ويدوم لنا إسمك 

   ياأنثى يااسره يامجمعه العيله

.....

   طول مانتي موجوده 

   الجنه عايشينها 

   وف النعيم عايشين

   ياكعبه بنطوفك مابينطفي نورك  

   وعليكي ملهوفين 

   ياأنثى يااسره 

   خدم ليكي وبيكي متوصين

......

  نبعد ونرجعلنا مشتاقين متلهفين

   حد بيوحشنا غيرك 

   ومين يوحشنا غيرك 

   هو إحنا لينا غيرك 

   ولا حد فى بالنا غيرك

    يامالنا إنتي ومراثنا 

   بعد منك لاجئين 

........

   ياشجره واحنا فروعك

    ياضله فوقنا مضلله

   ياشط بيريحنا 

   ياحضن بيجمعنا لولاكي ماكنا

   لينا قولي بعدك مين

.....

    بعدك خلاص هونا 

    من بعد لمه متفرقين 

    لا لمه لا عيله 

    ياأنثى يااسره 

   حياره بعدك حزانا بعدك 

   عرايا بعدك بردانين

.......