بزرالنار ماخلف
بزر شيطان
يامارج بزر
شيطان بفعالك
خليني على
صينية خشب
نعناع
مثل قالب ثلج
ويموع تمثالك
حسبالك بچيت
وحزن گلبي عليك
لا حباب ماحزريت!!
حلم چان يتراولك
مودمعات ذني
الطاحن من العين
متوهم يخايب
ابچي اشمالك
اكو دمعه بجفه
ودمعة بلقاء احباب
يادمعة الشفتها
وضاله بالك
انا دموعي
نثايه وفرعن لعزاز
اذا نزلن دمه
مبروك هنيالك
مجبورات من عافن
محاجرهن
ومكيف وتضحك
ماشيه حوالك
تركت الدنيا كلها
وسافرت للبعيد
اريد انساك عود
وماتهيالك
اثاريني طلعت وهمان
زاد الطين بلة
وگلبيي هم جالك
خشب سيسب لكيتك
والنقوش هواي
شلت سرك مضض
بس غيري ماشالك
Tawfeeq Haider AlMaliki
