بقلمي / عبدالحميد السماحي
كان معاك فى الشتا
صبح معاك فى الصيف
مليته حب وحضارة
صبح كمان عريف
مع ولادتك هو بدى
فى المدينه أو فى الريف
سبوعك كان منتدى
خالك وخالتك والضيف
قالو عليه محمود أو مصطفى
ماهو عنوانك زي السيف
زي ابوك مليان بالتقى
ما صحبش غير الأليف
غنولك متكنش فى الشقى
تكون ضابط أو شيف
دا عايش معاك فى الرضا
محبوب دا دمه خفيف
تقوله الناس فى الخفى
وقدامك يقوله ظريف
رايق بيدعي الشفا
تشوفه مره ثمين
ومره نحيف
بذكره وصف المحتوى
ملتزم ولا صاحب كيف
ملزمك بعمره الدفى
طول عمره عايش شريف
من سنك ولسانك مانفى
مشهور زي الرغيف
متسجل لطول المدى
دا حقيقة مش للزيف
لأولادك طهارة وندى
شيلينه بالحقيقة والطيف
هتقابل بيه ربنا
يارب عمري ماكنت عنيف
معرفتش بحياتي الجفى
ولا للربىَ كنت نصيف
دا اسمي كله عطى
عايش علشان للجنه عفيف
اخترت اسمي بالصفه
ما تجعلنيش بطريقي كفيف
شايل اسمي ليوم اللقا
هقابلك يارب وأنا نضيف
كان معايا فى الشتا
صبح معايا فى الصيف
بقلمي
د: عبدالحميد السماحي
مصر 🇪🇬 محافظة كفرالشيخ
