في آخر لحظه من عام فات
و أول لحظه من عام آت
أنا آسف علي ما فات
أنا نادم علي الذلات
و بسأل ربنا في علاه
يغفر لنا الهفوات
ويرخي قوت المسلمين كافه
و يقبل مننا الصلوات
و يشفي كل امراضنا
و يرحم كل من مات
في آخر لحظه من عام فات
و أول ثانيه من عام آت
نعيش حلمنا القادم
ما بين طموحات وأمنيات
ونتمنى يكون أفضل
يكون اجمل من اللي فات
عشان الأهل والصحبه
عشان رب العباد بالذات
نحس ببعضنا دايما
و ندعم بعض في الازمات
نخاف علي بعضنا لما
نمر ب ضيقه أو أزمات
نساعد بعض ع العيشه
نساعد بعض ع الخيرات
و نتبرأ من الرشوه
و يبعدنا عن الخلافات
نحب الخير لاهل الخير
و ندعي لهم في كل صلاة
في آخر لحظه من عام فات
و أول ثانيه من عام آت
أنا نفسي نعيش في سلام
بدون الخوف علي المعاشات
أو الخوف علي الفلذات
أو الخوف علي السقطات
بدون تكميم لافواهنا
و لا الخوف من البهوات
بدون من نخاف علي اللقمه
و لا نخاف من البشوات
وفرض الطاعه ب القوه
و فرض الطاعه ب الأتوات
أن نفسي أشوف بلدي
تعيش أجمل بدون قروضات
ولا سلفه من الدولي
و لا من شلة العاهات
أنا نفسي تعود بلدي
سلة خبز للدنيا ف الأزمات
تصدر منه. للعالم
و تتصدق علي الغريمات
أنا نفسي ف حاجات ياما
تعيش الناس بدون صراعات
ونتوحد ونتكلم لغه واحده
بدون لكنه و لا لهجات
و نفهم بعضنا بعضا
بدون رشوه ولا وساطات
و رغم أني بأعيش وأحلم
و عندي كتير من الحاجات
ونفسي أشوف الحلم يتحقق
ولو باقي في عمري ساعات
تدق الفرحه في قلوبنا
و في الدنيا و في السموات
كلمات الاديب الشاعر.د/ السيد علي القن
