فرق واديني ورقي
وكفايه بقي احزان
يازمان عامل برئ
والظلم فيك الوان
لعبت والحظ خاني
وقلت العب كمان
مسيراللي راح حيرجع
وتضحكلنا الايام
اتاريها هي هي
والدور طول شويه
لكن النهايه جايه
نفس نهاية زمان
مغلوب واللي غلبني
اني مبعرفش اخبي
مكشوف وبداري ورقي
واللعبه اصلا شمال
الدور قبل اما يبدأ
اللي حيكسب بيدفع
يطول ولا بيقصر
مبتفرقش الاحداث
هي النهايه واحده
طريق ذهاب وعوده
معاك بتروح وتيجي
مفيش تفضل غلبان
يازمان طب ليه تخبي
ماكنت زمان تقولي
قبل اما العمر يجري
واندم علي اللي كان
خلاص مبقتش فارقه
الكومي ورقته ضايعه
حفضل ماشي في دايره
وارجع نفس المكان
بقلمي الشاعر محمد صبري الميهي
