وياريت ما لاگيتني
بوصافي ضيعت العرف
باوعت وتعديتني
واشتعلن اكتاري عشگ
بس انت من ما سلمت .. طفيتني
شفتك حچيت ومن بعد..مدري شگلت
حسبالي من مدري شگلت حاچيتني
هااا گتلك.. ومسني الخجل
لا والله چني اتفشلت
وضميت روحي اعليك .. وندليتني
مثل الگزاز اتطشرت يمك وما لميتني
ناسي اذكرك بالعشگ شطيتك وشطيتني
دللتك ... وذليتني
ضحكتك ... وبچيتني
واصلتك ... وماجيتني
دوم انه حافظ غيبتك
بس انت طبعك يختلف.بس التفت گصيتني
نتلاگه من بعد البعد...
والگاك مو بارد ...ثلج......... جنك ولا حبيتني
لاگيتني... أوياريت مالاگيتني
توفيق حيدر المالكي
